سهير جودة: اهتم بالتفاصيل في الشغل فقط وفاطمة يوسف قدوتي

سهير جودة: اهتم بالتفاصيل في الشغل فقط وفاطمة يوسف قدوتي..أعربت الإعلامية سهير جودة عن مشاركتها مع الجمهور، حيث قالت إنها تحب أن تعمل أكثر من شيء في وقت واحد، مشيرة أنها تؤمن أن المرأة شبكية والرجل صندوق، فأنا أمارس رياضة المشي في الصباح، وأحب القراءة والكتابة جدا، وأباشر في نفس التوقيت مهام المنزل.

يرصد لكم موقع “خدمة.كوم”، من خلال السطور التالية، في تقرير اليوم، سهير جودة: اهتم بالتفاصيل في الشغل فقط وفاطمة يوسف قدوتي، وهي كالتالي:

وأضافت سهير في برنامجها الذي يحمل اسم «الستات»، والمذاع عبر فضائية «النهار»، أنها تمارس حياتها بشكل طبيعي بعد الانتهاء من الحلقة، بالرغم من الإجهاد الكبير الذي تتعرض له، تقوم بالذهاب لمناسبات أصدقائها وتلبي دعوتهم، قائلة: «في واجبات الواحدة لازم تعملها، سواء كان واجب عزاء أو زيارة مريض، وفي حاجات بتبسطني وبتغيرلي مودي، خصوصا لو أنا رايحة مهرجان الموسيقى العربية، أو رايحة الأوبرا».

وأكدت سهير أنها تهتم بالتفاصيل أكثر من الصورة العامة للمواقف والأشياء، قائلة: «بهتم بالتفاصيل في الشغل جدا، ولو حد كلمتي وقالي فلانة خست أو تخنت مباخدش بالي خالص، واعرف المواضيع بس مقعدتش أركز في تفاصيله، لكن في الشغل باهتم بكل تفاصيله».

وتابعت: «أنا بشتغل من وانا عندي ١٦ سنة فكل تكويني وتفكيري في الدقة، لأن وقتها كنت بشتغل في روزاليوسف والإذاعة، ومكنش ينفع يبقى في نسبة خطأ».

وأشارت سهير: « قدوتي في الحياة ناس كتير أولهم أبويا طبعا، ولكن في حياتي المهنية قدوتي فاطمة يوسف صاحبة روزاليوسف، لأنها كانت ست متعلمين لكن كانت مثقفة أكتر من أي حد مثقف كانت بتقدر يبقى في بينها وبين أي شخصية مهمة تقدر تكون ند قدامه، وعملت مجلة وعملت مؤسسة وكانت ممثلة مسرح، وبعدين تفرغت للصحافة، وصنعت نجوم منهم أحمد بهاء الدين وأنيس منصور، وللأسف مشوفتهاش ولا مرة».

وتابعت سهير أن هناك نوع آخر من الستات يدعى بالست الهامش، قائلة: «ليها كل الاحترام، وهي بتكون عايزة تنتمي لبيتها وأولادها وجوزها، وعايزة كمان تنتمي لنفسها، في جزء لنفسها هي عايزة تحققه، وبتفضل تجلد في نفسها أنها ليست الأم المثالية».

اقرأ أيضا: سهير جودة: الست اللي بتقول أنها مضحية هي ست مبتذة عاطفيا»