سهير جودة: «جملة احنا واحد بين طرفين ليست علاقة صحية وفي الحقيقية هما شخصين»
سهير جودة: «جملة احنا واحد بين طرفين ليست علاقة صحية وفي الحقيقية هما شخصين»
سهير جودة: «جملة احنا واحد بين طرفين ليست علاقة صحية وفي الحقيقية هما شخصين»
سهير جودة: «الوقوع في الحب لا يتطلب اسباب ولكن الاستمرار لابد من وجود اسباب»
سهير جودة ل«الستات»: «مش لازم تبقي مبهرة دايما مع شريك حياتك ومجرد وجودك امان له»
قالت الإعلامية سهير جودة، إنه من الممكن أن يقع الحب بدون أي أسباب واضحة، لكن البقاء فيه يتطلب وضوح، والصفات التي نبحث عنها في الشخص الذي يكون مثالي بالنسبة لنا، حيث تفضل تعبير الشخص المناسب بدلا من المثالي، باعتبار أن المثالية هي حلم.
وأضافت سهير في برنامجها الذي يحمل اسم «الستات» والمذاع عبر فضائية «النهار»، قائلة: «اهم شئ هي فكرة النضج، وهنا المقصود هو النضج العاطفي، مش النضج ان سنك كبير، لان السن ملوش علاقة بالنضج، والنضج العاطفي يعني ان الشخص ده مش هيكرر اخطاء الماضي، وبقى عنده وعي وتتطور كل المراحل اللي مر بيها غي الفترات اللي فاتت».
وأشارت سهير: «في حاجة مهمة جدا للستات، مجرد وجودك مع شريك حياتك يرضيه، مش لازم تبذلي مجهود عشان ترضيه كل مرة، اللي هو مش لازم تبقي مبهرة على فكرة، مش لازم طول الوقت تبقي الشكل والنموذج، مجرد وجودك امان بالنسباله، مجرد وجودك سعادة بالنسبالة، انتي مش بتدوري هيشوفك ازاي وشكلك ايه، هو هيشوف اللي جواكي مشاعرك وعطائك مش لازم شكلك بس اللي هتفضلي تشتغلي عليه ولحظات الحب قليلة طول العمر».
وتابعت سهير: «الهزار بينقذ الكثير من العلاقات، والاشخاص اللي بتضحك بتخلي الحياة اسهل والذ، وبيقابلوا كل مشاكلهم بضحك، وكلمة احنا واحد دي علاقة مرضية مش صحية، وهي اسمها احنا اتنين بنقدر بعض وبنحترم بعض».
وأشارت سهير جودة: «لما يحصل اي موقف وتقول كلمة مسيئة وتهين حد، فبيبقى اي كلام بعدها يعتبر إهانة، انت هتقوله انا مقصدش اهينك، فكل هذه الكلمات إهانة، وتساوي أنك عديم الثقة بنفسك، ولازم تبقى عارف ازاي تتعامل مع الاخرين بشكل انساني، ولازم ناخد بالنا من الكلمة اللي بنقولها، لأنها بوابة التعامل، والكلمة بتلزق فعلا، وبعض الكلمات قبور مثل ما بعضها نور».
اقرأ أيضا: سهير جودة: اهانة الاخرين عن طريق الهزار هو عدم ثقة بالنفس
