سهير جودة: جملة انت تربية الست لازم تتشفر من القاموس المجتمعي

سهير جودة: جملة انت تربية الست لازم تتشفر من القاموس المجتمعي

سهير جودة تعلق على معايرة والد أحد المطربين نجله بأنه تربية ست: كلنا تربية ستات

علقت الاعلامية سهير جودة، على جملة «انت تربية ست» الذي حاول والد أحد المطربين معايرة نجله، وهي المقصود بها التقليل من شأن الشخص، مؤكدة: «مين فينا مش تربية واحدة ست، كلنا تربية ستات، لو الولاد تربيتهم نجحت يبقوا تربية الراجل، ولو التربية فشلت تبقى واحدة ست».

وأضافت سهير في برنامجها الذي يحمل اسم «الستات»، والمذاع عبر فضائية «النهار»، قائلة: «المجتمع هو اللي فرض على الست هذا الدور، وبطبيعتها وبفطرة ربنا فرض عليها هذا الدور ، فاحنا كلنا تربية واحدة ست بس ثقافة مجتمعنا».

وأشارت سهير: «شوفت مفارقة من الستات هنا لما ابنها بيروح يتجوز بنت فمتلاقيش ابوها فتقولوا لأ متتجوزهاش دي تربية واحدة ست، والفكرة دي خديعة مجتمع والناس صدقتها».

وأكدت: «ابن أمي وأفتخر دع أي راجل طبيعي يقول كده، كلنا تربية واحدة ست، وتربية الست دي لازم تتشفر من القاموس المجتمعي، والمفروض تستخدم بالشكل الايجابي باعتبارها تكريم واعتزاز وشرف، مش معايرة، كلنا تربية ست سواء كان الاب حاضر أو غائب».

https://fb.watch/gp3Sv4hxXH/

وأضافت سهير في برنامجها الذي يحمل اسم «الستات» والمذاع عبر فضائية «النهار»، قائلة: «في حاجة اسمها فشل وفي حاجة اسمها خسارة، ولا الفشل تعريف غير محدد كدة زي الوهم، ناس كتير جدا بتقول انها فاشلة والعلم بيقول ان الكلام ده مش حقيقي، والفيزيا والفلسفة وفي الحيوانات ممكن ناخد منهم دروس وعبرة لحاجات كتير بتستعصي على الفهم زي مثلا الاسود الاسد ملك الغابة ممكن يكون مبينجحش في الصيد الا في ربع المحاولات وفي 75٪ من محاولات الاسود بتفشل هل معنى ذلك انه غير ناجح او انه ليس ملك الغابة لا طبعا».

وتابعت: « لو انت متخيل ان ليك عدو ده ممكن تكون دافع ليك للنجاح، مفيش نجاح من غير عثرات ومفيش حياة من غير عقبات ومفيش نجاح بالساهل ومفيش فشل الا في تخيلنا فقط، طول الوقت مادام بنحاول هننجح حتى لو متخيلين اننا فشلنا».

اقرأ أيضا: سهير جودة: تهنئ محمد الحلو على عودة وتشيد بحفلته مع علي الحجار في مهرجان الموسيقى